அழகு

 எது அழகு

சிவந்த நிறமா

கூறான மூக்கா

வேல் போன்ற விழிகளா 

வனப்பான உடல் அமைப்பா

வண்ண வண்ண உடைகளா

வித விதமான சிகை அலங்காரங்களா....

விலை உயர்வான நகை அலங்காரங்களா

இவைகளெல்லாம் அழகுதான்

ஆனால், இவைகள் மட்டுமே அழகல்ல....

குழந்தைகளை அன்போடும் பண்போடும் அரவணைத்து வளர்க்கும் பெற்றோர்கள் அழகு

அப்பெற்றோர்களை வயதான காலத்தில் பேணிக்காக்கும் பிள்ளைகள் அழகு....

மனைவியை மட்டம் தட்டாத 

கணவன் அழகு

கணவனை விட்டுக் கொடுக்காத மனைவி அழகு

பெண்களை கண்ணியமாக நடத்தும் ஆண்கள் அழகு 

நிமிர்ந்த நன்னடை நேர் கொண்ட  பார்வையுடன் கண்ணியம் காக்கும் பெண்கள் அழகு....

தொழிலில்  அறத்தையும், நேர்மையையும் இரு கண்களாக போற்றுபவர்கள் அழகு

கையூட்டு வாங்காத கைகளுக்குச் சொந்தக்ககார்ர்கள் அழகு....

பிறர் மனம் புண்படாமல் பேசும் அதரங்கள் அழகு 

பிறரை ஊக்கப்படுத்தும் சொற்களுக்குச் சொந்தக்கார்ர்கள் அழகு

பிறர் துன்பம் கண்டால் கலங்கும் கண்கள் அழகு

அத்துன்பத்தைக் களைந்திட விரையும் கரங்கள் அழகு 

சமுதாய மேம்பாட்டிற்கு உழைக்கும் மனிதர்கள் யாவரும் அழகு....

மலர்ந்த முகமும், இனிய சொல்லும் கொண்ட மாந்தர்கள் எப்போதும் அழகு